حب سكتاوي
قشمرني حبيبي وبقيت هايم بهواه
ولوعة عذابي راحت تتدنك لمسراه
ماكو وداع يليق بمقامه
وماكو دمع يهيج لبعداه
كون أصير لمحة بطريق العشق التهفلك
وكون أصير خيال وكلي بيك
كلبي الي هام بيك وبسوالفك وياي
وباوعلك بكل صدك وماقشمر نظراتك
فدوة لا تعبر قلبي بيه أنت
وبلمحة تغيرت علي وشبساع تتحول؟
اني الحملتك يم روحي بجسد واحد
واني الجنت أهواك وما فرطت بيك
اني الما فرطت فد يوم بإحساسك
هاي النظرة تباوعلي بيها وتخرم بكلبي
هاي نظرة لو سيف يكطع بيا
وهيج تروح وماتسأل علي
ورحت من دون استئذان ودرت ظهرك
دارت بيا دنيتي واكلك انتبه علي
تعبانه وثكلت روحي من جثمانها
رحت بدرب ظلام ومابي نور
على مودك أمشي الدرب لو برد جازني
كون تحس بيا وما تشمت بي
اني الما فرطت فد يوم بإحساسك
تصيح وصوتك يروي صدى الليالي
واني كل ليلي ألم سكتاوي
هاي شبيك مو أنت الاعرفك مدري اتغيرت علي
ومدري اني اتقشمرت بيك
زيج السنين تكص بيا أعضائي ومن بعد فركاك هم مابقيت اني
تريد تسأل علي اني الي يجاوبك
مالكيت روحي يم كلبي من بعد هواك
هاد مو انت واتغيرت مو مثل الجان
روحي بروحك ترهم وترخص
عليك جنت أكدر أجذب مثل ماجذبت
لكن شبيا وشبيه كلبي الي يحب
واكول لا لا هذا جريح الروح
وارجع وعاتبك والكى نفسي بكاع الجذب انغمس
واني حبيتك من صدك واليحب ماينجح
واني كاتبة وغيرك ماكو بأوراقي
كون تبقى بخير بعد فركاي
وكون تصير يمهم الماي
بعتني لأجل ناس راح يبيعوك
واني كون صرت بدنيا أحد ثاني
فراكك هد حيلي وروحي هاي الطارت تجذب الموت وتنادي باسمك
وتعود تذب روحك علي واني لحبك من صدك شاري
لكن هذا الزمن مابي وفا
انقضت وكل منا هم بطريقه
انت داري واني مو داري
والحب بكلبي بقي سكتاوي
#SOUAD_AK
ليست هناك تعليقات:
إرسال تعليق