فكر مع مين بتوقع
يا بلادي يا بلد الزعتر والزيتون ، يا بلاد الهيبة والشموخ ، بلاد الصمود والنهوض ، اسمعي رسالتي الك اول اشي رح احكيه إنه بشكرك على وجودك ، ثاني اشي رح احكيه إذا ما كان فيه فلسطين كيف رح تكون الحياة ؟ أصلاً ما رح يكون فيه حياة ، ولا رح يكون فيه اشي إسمه تضحيه أو حرب ، أو استطيان أو حب الوطن ، وما رح يكون فيه شخصيات عظيمة ضحوا بحياتهم عشان بلادهم ، وما رح يكون فيه كلمة اسمها الشجاعة واكبر اشي ما رح يكون فيه اشي إسمه وطن ، لأنه ما فيه وطن بعدك ، فلسطين وطن التضحية والحب والأمان والاستقرار ، حتى لو كان فيها احتلال بس الشخص بحس براحة وامان بحضن وطنه فلسطين ، فيه كثير بلدان باعوكي بس احنا بنحبك نيابة عن اللي باعوكي ، تخلوا عنك بس احنا معك لآخر نفس بحياتنا ، ما بنتخلنا عنك لو ضل طفل صغير رح يضحي بحياته عشانك ، رح نضل معك ورح نضل واقفين معك وصامدين وشامخين لحتى نحررك ، والنصر قادم لا محالة ، وميين اللي قال فلسطين ما رح تتحرر ، تعااآل وشوفها بس تتحرر وضلك تحسر على حالك ، واخر رساله و بوجها للناس اللي باعوكي رح احكيلهم انتوا رحتوا ورح تضلوا بمزبلة التاريخ انتوا و ولادكم و ولاد ولادكم و ولاد ولاد ولادكم ، ونشووف بكرا مين رح ينتصر اللي وقفتوا معهم ولا احنا ، ورح تندموا ورح تترجونا عشان نسامحكم بس أبداً ما رح نسامحكم ولا رح نرحمكم ورح نزبلكم ، ورح تشوفوا منا اشي بحياتكم ما شفتوه وانتوا وقعتوا مع الناس الخطأ ، الشخص بفكر قبل لا يقرب على فلسطين بس انتوا بدون تفكير وب غباء قربتوا ، واللي بقرب على اشي غالي علينا بنكسر أيده وايد أبوه ، واستنونا وشوفوا عمايلنا..
خلاصة الكلام : النصر قادم لا محالة .
#هنادي_هاني_ابوعرة
#فلسطين
ليست هناك تعليقات:
إرسال تعليق